குஜராத் மாநிலம் சூரத்தில் இளைஞர் ஒருவர் உருவாக்கியுள்ள புதிய வகை சைக்கிள், சமூக வலைதளங்களில் கவனம் ஈர்த்துள்ளது. மனிதர் இல்லாமலே தானாக இயங்கும் இந்த சைக்கிள், பார்ப்பவர்களுக்கு வியப்பை ஏற்படுத்துகிறது. தற்போது இந்த கண்டுபிடிப்பு இணையத்தில் வைரலாக பரவி வருகிறது. மனிதர் இல்லாமல் இயங்கும் புதிய முயற்சி சிவம் மௌரியா என்ற இளைஞர், தனது ‘கிரியேட்டிவ் சயின்ஸ்’ குழுவுடன் இணைந்து இந்த சைக்கிளை உருவாக்கியுள்ளார். இதில் யாரும் உட்கார வேண்டிய அவசியமில்லை. சைக்கிள் தானாகவே பேலன்ஸ் செய்து, முன்னோக்கி நகரும் வகையில் வடிவமைக்கப்பட்டுள்ளது. இதனால் பொதுமக்கள் மத்தியில் இது பெரும் ஆர்வத்தை கிளப்பியுள்ளது. ‘கோஸ்ட்’ போல் தோன்றும் இயக்கம் இந்த சைக்கிளின் தனிச்சிறப்பு, மனித கால்களைப் போன்ற அமைப்பு. சைக்கிள் ஓடும் போது அந்தக் கால்கள் தானாகவே பெடல் செய்வதைப் பார்க்கும் போது, யாரோ தெரியாதவர் ஓட்டுவது போல தோன்றுகிறது. இதனால் இதற்கு கோஸ்ட் சைக்கிள் என்ற பெயரும் வந்துள்ளது. இந்த காட்சி பலரையும் ஆச்சரியத்தில் ஆழ்த்தியுள்ளது. இதையும் படிங்க: திகில் காட்சி! உயிரை பணயம் வைத்து பயணம் செய்யும் சுரங்கப்பாதை! பீதி கிளப்பும் வீடியோ! சென்சார் தொழில்நுட்பம் மற்றும் எதிர்கால பயன்பாடு சுமார் 35,000 ரூபாய் செலவில், மூன்று மாத கால உழைப்பில் இந்த சைக்கிள் உருவாக்கப்பட்டுள்ளது. மொபைல் செயலி, ரிமோட் அல்லது முன்கூட்டியே பாதையை நிர்ணயிப்பதன் மூலம் இதை இயக்கலாம். சாலையில் உள்ள தடைகளை கண்டறிந்து விலகிச் செல்லும் சென்சார்கள் இதில் பொருத்தப்பட்டுள்ளன. இதனால் இது முழுமையான செயற்கை நுண்ணறிவு அடிப்படையிலான முயற்சியாக பார்க்கப்படுகிறது. மேலும், ஆளில்லாத டெலிவரி சேவைகள் மற்றும் பாதுகாப்பு ரோந்துப் பணிகளில் இந்த தொழில்நுட்பம் பயன்படும் என சிவம் மௌரியா தெரிவித்துள்ளார். இதற்கு முன்பும் டிரைவர் இல்லாத ‘கருடா ஏஐ பைக்’ உருவாக்கிய இவர், தற்போது இந்த புதிய கண்டுபிடிப்பின் மூலம் மேலும் பாராட்டுகளை பெற்றுள்ளார். இதையும் படிங்க: நம்பவே முடியல... பிறந்த கொஞ்ச நேரத்துலயே கையை ஊன்றி உட்கார்ந்த குழந்தை! அதிர்ச்சியில் உறைந்து போன நர்ஸ்.... தீயாய் பரவும் வீடியோ!!!
இந்தச் செய்தி Tamil Spark ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.
