இன்று நடைபெற்ற சி.பி.எஸ்.இ 12-ம் வகுப்பு உயிரியல் (Biology) தேர்வு, மாணவர்களிடையே கலவையான ஆனால் சாதகமான வரவேற்பைப் பெற்றுள்ளது. தேர்வெழுதிய மாணவர்கள் மற்றும் ஆசிரியர்களின் கருத்துப்படி, வினாத் தாள் சமச்சீரான முறையிலும், வெறும் மனப்பாடக் கல்வியை ஊக்குவிக்காமல் பாடக் கருத்துக்களை ஆழமாகப் புரிந்து கொள்வதை அடிப்படையாகக் கொண்டும் அமைந்திருந்தது. வினாத் தாள் முழுமையாக என்.சி.இ.ஆர்.டி பாடப்புத்தகத்தை அடிப்படையாகக் கொண்டு அமைக்கப்பட்டிருந்தது. முந்தைய ஆண்டுகளின் வினாக்கள் (PYQs) பல மீண்டும் கேட்கப்பட்டிருந்தன. இது தொடர் பயிற்சியில் ஈடுபட்ட மாணவர்களுக்கு வரப்பிரசாதமாக அமைந்தது. இனப்பெருக்கம் (Reproduction), மரபியல் (Genetics), உயிரி தொழில்நுட்பம் (Biotechnology) மற்றும் சூழலியல் (Ecology) போன்ற அனைத்து முக்கியப் பாடப்பகுதிகளுக்கும் சமமான முக்கியத்துவம் அளிக்கப்பட்டிருந்தது. இந்த செய்தியை ஆங்கிலத்தில் படிக்க குருகிராம் கே.ஐ.ஐ.டி வேர்ல்ட் பள்ளியின் முதுகலை உயிரியல் ஆசிரியர் சுஜாதா கூறுகையில், பகுதி 'A' மிக நேரடியாகவும், உண்மைகளை அடிப்படையாகக் கொண்டும் இருந்ததால் மாணவர்கள் விரைவாக மதிப்பெண் பெற முடிந்தது. பகுதி 'B' மற்றும் 'C' ஆகியவை பாடப்புத்தகத்தில் உள்ள அடிப்படைச் செயல்பாடுகளைக் கொண்டு எளிமையாக அமைக்கப்பட்டிருந்தன. ஆனால், பகுதி 'D' மற்றும் 'E' ஆகியவை மாணவர்களின் திறனைச் சோதிக்கும் வகையில் இருந்தன. இவை வெறும் வரையறைகளைத் தாண்டி, உயிரியல் செயல்பாடுகளை ஆழமாகப் புரிந்து செயல்படுத்துவதை (Conceptual Application) அடிப்படையாகக் கொண்டிருந்தன என்றார். பெங்களூரு ஜெயின் சர்வதேச குடியிருப்பு பள்ளியின் ஆசிரியர் S. ஹேமமாலினி கருத்துப்படி, என்.சி.இ.ஆர்.டி புத்தகத்தை முறையாகப் படித்த மாணவர்களுக்கு இத்தேர்வு மிகவும் எளிமையாக இருந்திருக்கும். வரைபடம் சார்ந்த வினாக்கள் கூட மாணவர்கள் ஏற்கனவே அறிந்த மற்றும் எளிமையான முறையிலேயே இருந்தன. சமூக, பயன்பாடு சார்ந்த கேள்விகள் (Application-based) நேர்மையாகவும் குழப்பமின்றியும் இருந்தன. ஒட்டுமொத்தமாக இது ஒரு மிதமான (Moderate) கடினத்தன்மை கொண்ட வினாத்தாள் என்றார். பரிதாபாத் ஷிவ் நாடார் பள்ளியின் தலைமை ஆசிரியர் சினார் பங்கா தெரிவிக்கையில், வினாத்தாள் அதிகாரப்பூர்வ புளூபிரிண்ட் (Blueprint) முறையைச் சரியாகப் பின்பற்றி இருந்தது. குறுகிய விடைகள், வழக்கு ஆய்வுகள் (Case-based) மற்றும் நெடு வினாக்கள் என அனைத்தும் சமச்சீராகப் பகிர்ந்தளிக்கப்பட்டிருந்தன என்றார். ஒட்டுமொத்தமாக, இன்றைய உயிரியல் தேர்வு கடினமாகவும் இல்லாமல், மிக எளிதாகவும் இல்லாமல் 'மிதமான' அளவில் இருந்தது. அடிப்படை தத்துவங்களை சரியாக புரிந்து கொண்டு, என்.சி.இ.ஆர்.டி பாடத்திட்டத்தை முழுமையாக பின்பற்றிய மாணவர்கள் இத்தேர்வில் சிறப்பான மதிப்பெண்களைப் பெறுவார்கள் என எதிர்பார்க்கப்படுகிறது.
இந்தச் செய்தி The Indian Express ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.