IPL 2026 Points Table: நடப்பாண்டு ஐபிஎல் தொடரின் முதல் சுற்றின் முடிவில் புள்ளிப்பட்டியலில் ராஜஸ்தான் அணி முதலிடத்தை பிடித்துள்ளது. ஐபிஎல் 2026 கோலாகலம்.. நடப்பாண்டிற்கான ஐபிஎல் தொடர் கோலாகலமாக தொடங்கி நடைபெற்று வருகிறது. முதல் போட்டி முதலே பேட்ஸ்மேன்கள் ஆதிக்கம் செலுத்தி வருகின்றனர். பெங்களூரு மற்றும் மும்பை ஆகிய அணிகள் 200 ரன்களுக்கும் அதிகமான இலக்கை அநாயசமாக சேஸ் செய்து அதிரடியாக வெற்றிகளை குவித்தன. அதேநேரம், ராஜஸ்தான் மற்றும் டெல்லி ஆகிய அணிகள் அட்டாகசமான பந்துவீச்சால் எதிரணிகளை திணறடித்து வெற்றியை வசப்படுத்தின. அந்த வகையில் போட்டியில் இடம்பெற்றுள்ள ஒவ்வொரு அணியும் தலா ஆட்டத்தில் பங்கேற்று முடித்துள்ளன. அதனடிப்படையில் முதல் சுற்றின் முடிவில் புள்ளிப்பட்டியல் நிலவரம் என்ன என்பதை இந்த தொகுப்பில் அறியலாம். ஐபிஎல் 2026 - புள்ளிப்பட்டியல் நிலவரம் அணிகள் போட்டி வெற்றி தோல்வி புள்ளிகள் ரன்ரேட் ராஜஸ்தான் 1 1 0 2 4.171 பெங்களூரு 1 1 0 2 2.907 டெல்லி 1 1 0 2 1.397 மும்பை 1 1 0 2 0.687 பஞ்சாப் 1 1 0 2 0.509 குஜராத் 1 0 1 0 -0.509 கொல்கத்தா 1 0 1 0 -0.687 லக்னோ 1 0 1 0 -1.397 ஐதராபாத் 1 0 1 0 -2.907 சென்னை 1 0 1 0 -4.171 ராஜஸ்தான் ஆதிக்கம் ராஜஸ்தான், பெங்களூரு, டெல்லி, மும்பை மற்றும் பஞ்சாப் ஆகிய அணிகள் தாங்கள் விளையாடிய முதல் போட்டியிலேயே அபாரமான வெற்றியை பதிவு செய்து தலா இரண்டு புள்ளிகளை ஈட்டியுள்ளன. இருப்பினும் அதிரடியான பேட்டிங் மூலம் 12.1 ஓவரிலேயே இலக்கை எட்டி சென்னை அணியை 8 விக்கெட்டுகள் வித்தியாசத்தில் வீழ்த்திய ராஜஸ்தான் அணி புள்ளிப்பட்டியலில் முதலிடத்தை பிடித்துள்ளது. அதனை தொடர்ந்து பெங்களூரு, டெல்லி, மும்பை மற்றும் பஞ்சாப் ஆகிய அணிகள் அடுத்தடுத்த இடங்களை பிடித்துள்ளன. கடைசி இடத்தில் சென்னை.. இதனிடையே முதல் போட்டியில் தோல்வியுற்ற குஜராத், கொல்கத்தா, லக்னோ, ஐதராபாத் மற்றும் சென்னை ஆகிய அணிகள் புள்ளிப்பட்டியலில் 6வது இடத்தில் இருந்து தொடங்கி முறையே புள்ளிப்பட்டியலில் கடைசி இடமான 10வது இடத்தை பிடித்துள்ளன. குறிப்பாக சென்னை அணி -4.171 என்ற மோசமான ரன் ரேட்டில் புள்ளிப்பட்டியலில் கடைசி இடத்தை பிடித்துள்ளது. முதல் வெற்றி யாருக்கு? இன்றைய லீக் சுற்று ஆட்டத்தில் முதல் போட்டியில் தோல்வியுற்ற கொல்கத்தா மற்றும் ஐதராபாத் ஆகிய அணிகள் மோதுகின்றன. கொல்கத்தவைல் உள்ள ஈடன் கார்டன் மைதானத்தில் இரவு 7.30 மணிக்கு போட்டி தொடங்குகிறது. இரு அணிகளும் இதுவரை 30 முறை நேருக்கு நேர் மோதியுள்ளன. அதில் கொல்கத்தா அணி 20 முறையும், ஐதராபாத் அணி 10 முறையும் வெற்றி பெற்றுள்ளன. இரு அணிகளுக்கு இடையேயான போட்டியில் அதிகபட்சமாக ஐதராபாத் அணி 278 ரன்களையும், குறைந்தபட்சமாக கொல்கத்தா அணி 101 ரன்களையும் சேர்த்துள்ளது. இன்றைய போட்டியில் வெற்றி பெறும் அணி புள்ளிப்பட்டியலில் 6வது இடத்திற்கு முன்னேறக்கூடும். இதன் நேரலையை தொலைக்காட்சியில் ஸ்டார் ஸ்போர்ட்ஸ் அலைவரிசையிலும், ஒடிடியில் ஜியோ ஹாட்ஸ்டார் செயலியிலும் ரசிகர்கள் கண்டுகளிக்கலாம்.
இந்தச் செய்தி Abp News ஊடகத்தில் வெளியிடப்பட்டது. மேலும் விரிவான தகவல்களுக்கு மூல கட்டுரையைப் படிக்கவும்.
