‘ஸ்பைடர் மேன்: பிராண்ட் நியூ டே’ திரைப்படத்தின் புதிய போஸ்டர் வெளியீடு

டித்வா சூறாவளியினால் சேதமடைந்து, அரசின் நிதி ஒதுக்கீட்டின் கீழ் அநுராதபுரம் - கல்நேவ பகுதியில் நிர்மாணிக்கப்பட்ட பயனாளி ஒருவரின் வீட்டில் வைத்து ஜனாதிபதி அநுரகுமார திசாநாயக்க புத்தாண்டு கொண்டாட்டங்களில் ஈடுபட்டுள்ளார். சிங்கள மற்றும் தமிழ் புத்தாண்டு சுபநேரச் சடங்குகளில் இணைந்துகொண்ட அவர், இன்று (14) முற்பகல் நடைபெற்ற புத்தாண்டு கொண்டாட்டத்தில் கலந்துகொண்டுள்ளார். இது தொடர்பில் ஜனாதிபதி வெளியிட்ட முகநூல் பதிவில், டித்வா அனர்த்தம் “கடந்த நவம்...

அம்பேத்கரின் லட்சியப் பாதையில் பயணிப்போம் என தமிழக வெற்றிக் கழகத் தலைவர் விஜய் புகழாரம் சூட்டியுள்ளதைப் பற்றி...

ஆஸ்திரேலிய அரசு நேற்று தனது ராணுவ தலைமைப் பொறுப்பில் மாற்றங்களை அறிவித்தது. அதில், நாட்டின் வரலாற்றில் முதல் முறையாக ஒரு பெண், ராணுவத் தளபதி பதவிக்கு நியமிக்கப்படுவதும் அடங்கும். லெப்டினன்ட் ஜெனரல் சூசன் கோய்ல், ஆஸ்திரேலிய ராணுவத்தின் மூன்று பிரிவுகளில் ஏதேனும் ஒன்றிற்குத் தலைமை தாங்கும் முதல் பெண்மணி ஆவார். கோய்ல் தற்போது கூட்டுத் திறன்களின் தலைமை அதிகாரியாக உள்ளார், மேலும் லெப்டினன்ட் ஜெனரல் சைமன் ஸ்டூவர்ட்டுக்குப் பதிலாக இந்த ஆண்டு ஜூலை மாதம் அப்பொறுப்பை ஏற்க உள்ளார். ஆஸ்திரேலிய ராணுவம் தனது படையில் பெண் அதிகாரிகளின் எண்ணிக்கையை அதிகரிக்க முயன்று வரும் வேளையிலும், அமைப்பு ரீதியான பாலியல் துன்புறுத்தல் மற்றும் பாகுபாடு குறித்த குற்றச்சாட்டுகளுக்கு மத்தியிலும் அவரது நியமனம் வந்துள்ளது. 125 ஆண்டுகால வரலாற்றில் முதல் பெண் ராணுவத் தளபதியாகும் சூசன் கோய்ல் "ஜூலை மாதம் முதல், ஆஸ்திரேலிய ராணுவத்தின் 125 ஆண்டு கால வரலாற்றில் முதல் முறையாக ஒரு பெண் ராணுவத் தளபதியை நாம் கொண்டிருப்போம்," என்று பிரதமர் அந்தோனி அல்பானீஸ் ஓர் அறிக்கையில் தெரிவித்தார். 1987-ல் முதன்முதலில் இருப்புப் படை வீரராகப் பதிவுசெய்த 55 வயதான இவர், ராணுவத்தின் எந்தவொரு சேவைப் பிரிவிற்கும் தலைமை தாங்கும் முதல் பெண்மணி ஆவார் என்று பாதுகாப்பு அமைச்சர் ரிச்சர்ட் மார்ல்ஸ் கூறினார். "சூசன் என்னிடம் சொன்னது போல், நீங்கள் காண முடியாத ஒன்றாக உங்களால் இருக்க முடியாது," என்று மார்ல்ஸ் கூறினார். "சூசனின் சாதனை, ஆஸ்திரேலிய பாதுகாப்புப் படையில் தற்போது பணியாற்றும் பெண்களுக்கும், எதிர்காலத்தில் ஆஸ்திரேலிய பாதுகாப்புப் படையில் பணியாற்ற நினைக்கும் பெண்களுக்கும் மிகவும் முக்கியத்துவம் வாய்ந்ததாக இருக்கும்," என்றும் அவர் கூறினார். யார் இந்த சூசன் கோய்ல்.? 1987-ல் ராணுவத்தில் சேர்ந்த சூசன் கோய்ல், 1992-ல் தகவல் தொடர்புப் பிரிவு அதிகாரியாக பணியாற்றினார். பின்னர், 2020-ல் மேற்காசிய நாடுகளில், ஆஸ்திரேலிய படைகளுக்கு தலைமை தாங்கி, அவ்வாறு செய்த முதல் பெண் என்ற பெருமையை பெற்றார். ஆப்கானிஸ்தான், மேற்காசிய நாடுகளில் மேற்கொள்ளப்பட்ட ராணுவ நடவடிக்கைகள் உள்ளிட்ட பல்வேறு முக்கிய பணிகளில் பங்கு வகித்த சூசன், 40 ஆண்டுகள் ராணுவ அனுபவம் பெற்றவர். அவர் தற்போது, கூட்டுத் திறன்களுக்கான தலைவராக பணியாற்றி வருகிறார். நேற்று நடைபெற்ற செய்தியாளர் சந்திப்பில், கோய்ல் இணையவழிப் போர் போன்ற துறைகளில் தனது அனுபவத்தை வலியுறுத்திக் கூறியதுடன், தான் வகித்த பல்வேறு உயர் தலைமைப் பதவிகளையும் குறிப்பிட்டார். "இந்த விரிவான அனுபவமானது, தலைமைப் பொறுப்புகளுக்கும் என் மீது வைக்கப்பட்டுள்ள நம்பிக்கைக்கும் ஒரு வலுவான அடித்தளத்தை வழங்குகிறது," என்று அவர் கூறினார். ஆஸ்திரேலிய ராணுவத்தில் 25% பெண்களை சேர்க்க இலக்கு ஆஸ்திரேலிய பாதுகாப்புப் படையில் (ADF) சுமார் 21% பெண்களும், உயர் தலைமைப் பதவிகளில் 18.5% பெண்களும் உள்ளனர். 2030-ம் ஆண்டுக்குள், ஒட்டுமொத்தப் பங்கேற்பை 25% ஆக உயர்த்துவதை ADF ஒரு இலக்காக நிர்ணயித்துள்ளது. கடந்த அக்டோபரில், ADF-க்கு எதிராகத் தொடரப்பட்ட ஒரு கூட்டு வழக்கில், ஆயிரக்கணக்கான பெண் அதிகாரிகளை திட்டமிட்ட பாலியல் வன்கொடுமை, துன்புறுத்தல் மற்றும் பாகுபாட்டிலிருந்து பாதுகாக்க அது தவறிவிட்டதாகக் குற்றம் சாட்டப்பட்டது. ஜூலை மாதம் ஓய்வுபெறவிருக்கும் அதிகாரி சைமன் ஸ்டூவர்ட்-க்குப் பதிலாக கோய்ல் நியமிக்கப்படுகிறார்.