Mahindra SUV Car Offers: ரூ. 2.5 லட்சம் வரை தள்ளுபடி.. மஹிந்திரா கார்களுக்கு மாஸ் ஆஃபர் - எந்தெந்த கார் தெரியுமா?

ஒவ்வொரு கார் நிறுவனங்களும் தனது வாடிக்கையாளர்களை கவரும் விதமாக ஏப்ரல் மாதத்திற்கு கார் தள்ளுபடியை அறிவித்து வருகிறது. டாடா, ஹுண்டாய், மாருதி சுசுகி போன்ற நிறுவனங்கள் தங்களது கார்களுக்கு தள்ளுபடியை அறிவித்துள்ளது. தற்போது, மஹிந்திரா நிறுவனமும் தனது எஸ்யூவி கார்களுக்கு ஏப்ரல் மாத தள்ளுபடியை அறிவித்துள்ளது. 1. Bolero Neo: மஹிந்திராவின் மிகப்பெரிய வெற்றிகரமான காரான Bolero காரின் அப்டேட் வெர்சனாக விற்பனையாகி வருவது Bolero Neo. இதன் தொடக்க விலை ரூபாய் 10.70 லட்சம் ஆகும். இதன் டாப் வேரியண்ட் ரூபாய் 13.29 லட்சம் ஆகும். இந்த காருக்கு ரூபாய் 25 ஆயிரம் வரை ரொக்கத் தள்ளுபடி அறிவிக்கப்பட்டுள்ளது. எக்சேஞ்ச் போனசும் அறிவிக்கப்பட்டுள்ளது. 2.XUV 3XO: மஹிந்திராவின் எஸ்யூவி கார்களில் பிரபலமான கார் இந்த XUV 3XO. இந்த காருக்கு ரொக்கமாக ரூபாய் 40 ஆயிரம் தள்ளுபடி அறிவிக்கப்பட்டுள்ளது. எக்சேஞ்ச் தள்ளுபடியாக ரூபாய் 20 ஆயிரம் உபகரணங்களுக்கு அளிக்கப்பட்டுள்ளது. இந்த காரின் தொடக்க விலை ரூபாய் 9.17 லட்சம். இந்த காரின் டாப் வேரியண்ட் ரூபாய் 18.79 லட்சம் ஆகும். 3.Scorpio Classic இந்த Scorpio Classic காருக்கு ரொக்கமாக ரூபாய் 20 ஆயிரம் தள்ளுபடியும், உபகரணங்களுக்காக ரூபாய் 30 ஆயிரம் தள்ளுபடியும் அறிவிக்கப்பட்டுள்ளது. 7 சீட்டர் மற்றும் 9 சீட்டர் கொண்ட இந்த கார் ரூபாய் 16.59 லட்சம் முதல் ரூபாய் 21.57 லட்சம் வரை விற்கப்படுகிறது. 4. Scorpio N: இந்த Scorpio N காரின் Z8 காருக்கு ரூபாய் 20 ஆயிரமும், Z4 காருக்கு ரூபாய் 30 ஆயிரமும் ரொக்கத் தள்ளுபடி அறிவிக்கப்பட்டுள்ளது. மொத்தம் 43 வேரியண்ட் கொண்ட இந்த காரின் தொடக்க விலை ரூபாய் 16.99 லட்சம் ஆகும். இதன் டாப் வேரியண்ட் 31.61 லட்சம் ஆகும். Z4 வெர்சனில் 5 வேரியண்ட் கார்கள் உள்ளது. Z8 வேரியண்டில் 2 வேரியண்ட்கள் உள்ளது. 5.Thar Roxx: தார் காரின் அப்டேட் வெர்சன்தான் இந்த Thar Roxx. தார் காரைப் போலவே இந்த காருக்கும் சந்தையில் நல்ல வரவேற்பு உள்ளது. இந்த காருக்கு ரொக்கமாக ரூபாய் 85 ஆயிரம் தள்ளுபடி அளிக்கப்பட்டுள்ளது. உபகரணங்கள் தள்ளுபடியாக ரூபாய் 25 ஆயிரம் தள்ளுபடி அறிவிக்கப்பட்டுள்ளது. 25 வேரியண்ட் கொண்ட இந்த காரின் தொடக்க விலை ரூபாய் 15.85 லட்சம் ஆகும். இந்த காரின் டாப் வேரியண்ட் ரூபாய் 29.28 லட்சம் ஆகும். 6.XUV400 EV (EC Pro, EL Pro): மின்சார கார்களின் விற்பனையை ஊக்கப்படுத்தும் நோக்கத்தில் இந்த XUV400 EV (EC Pro, EL Pro) காருக்கு ரூபாய் 2.5 லட்சம் தள்ளுபடி அறிவிக்கப்பட்டுள்ளது. இந்த காரின் தொடக்க விலை ரூபாய் 16.62 லட்சம் ஆகும். இந்த காரின் டாப் வேரியண்ட் ரூபாய் 18.94 லட்சம் ஆகும்.மொத்தம் 5 வேரியண்ட் உள்ளது. 7. BE6 (MY2025): மஹிந்திராவின் இந்த BE6 காருக்கு ரூபாய் 2 லட்சம் தள்ளுபடி அறிவிக்கப்பட்டுள்ளது. அதுவும் கடந்தாண்டு தயாரிக்கப்பட்ட காருக்கு ஆகும். இந்த காரின் தொடக்க விலை ரூபாய் 20.05 லட்சம் ஆகும். இந்த காரின் டாப் வேரியண்ட் ரூபாய் 30.29 லட்சம் ஆகும். இதில் மொத்தம் 19 வேரியண்ட்கள் உள்ளது. 8. XEV 9E: மஹிந்திராவின் வசீகரமான கூபே எஸ்யூவி மின்சார காரான இந்த XEV 9E காரின் தொடக்க விலை ரூபாய் 23.19 லட்சம் ஆகும். இந்த காரின் டாப் வேரியண்ட் ரூபாய் 33.31 லட்சம் ஆகும். இந்த காருக்கு 1.4 லட்சம் வரை தள்ளுபடி அறிவிக்கப்பட்டுள்ளது.